Сумамигрен
Суматриптан
Қабықпен қапталған 50 мг, 100 мг таблеткалар.
Жүйке жүйесі. Анальгетиктер. Бас сақинасына қарсы препараттар. Серотонин 5HT1 рецепторларының селективті агонистері. Суматриптан.
АТЖ коды: N02CC01
Ауралы немесе аурасыз бас ауруының ұстамаларын тоқтату.
Сумамигренді бас сақинасының диагнозы күмәнсіз расталған жағдайда ғана қолдануға болады.
Сумамигренді гемиплегиялық, базиллярлық және офтальмоплегиялық бас сақинасымен ауыратын науқастарда қолданбаған жөн.
Ерекше көріністері бар пациенттерде және суматриптан тағайындауды талап ететін бұрын анықталмаған диагнозы бар пациенттерде суматриптанмен емдеу басталғанға дейін басқа ықтимал қауіпті неврологиялық жағдайлардың (мысалы, МҚЖБ, ТИШ) жоқ екеніне көз жеткізу қажет.
Суматриптанды қабылдау өтпелі симптомдарды тудыруы мүмкін, соның ішінде кеуде қуысының және мойын аймағының ауыруы мен қатты қысылуы байқалуы мүмкін. Егер бұл симптомдар жүректің ишемиялық ауруының көрінісі деген күдік туындайтын болса, суматриптанмен емдеуді тоқтатып, тиісті тексеру жүргізу керек.
Жүректің ишемиялық ауруының даму қаупі жоғары пациенттерге, соның ішінде көптен бері шылым шегушілерге немесе никотинді алмастыру терапиясын қабылдап жүрген пациенттердің жүрек-қан тамыр жүйесін алдын ала тексеріп алмай, суматриптан тағайындауға болмайды. Әйелдерге менопаузадан кейін және жоғарыдағы қауіп факторлары бар 40 жастан асқан ер адамдарға сақтықпен қолдану керек. Алайда тексеру барысында барлық науқастарда бірдей жүрек ауруы анықталмауы мүмкін, сондықтан аса сирек жағдайларда бұрын диагноз қойылмаған жүрек-қан тамырлары аурулары бар науқастарда жүректің ауыр зақымданатыны байқалды.
Суматриптанды жеңіл бақыланатын артериялық гипертензиясы бар пациенттерге сақтықпен тағайындау керек, өйткені пациенттердің шағын бөлігінде артериялық қысымның артуы мен перифериялық қан тамырларының қарсыласуын тудырады.
Серотонинді кері қармайтын селективті ингибиторы (СКҚСИ) мен суматриптанды бірге қабылдағаннан кейін пациенттерде серотонин синдромының (сананың бұзылуын, вегетативті бұзылыстарды және жүйке-бұлшықет бұзылыстарын қосқанда) дамығаны туралы сирек те болса тіркелген хабарламалар түсуде. Триптандарды және серотонин мен норадреналинді кері қармайтын ингибиторларды (СНКҚИ) бір мезгілде қолданғаннан кейін серотонин синдромы байқалатыны туралы хабарланды. Егер клиникалық тұрғыдан СКҚСИ/СНКҚИ мен суматриптанды бір мезгілде тағайындау қажет болса, пациенттің жағдайын тиісті түрде бақылау ұсынылады.
Суматриптанды дәрілік заттардың сіңуіне, алмасуына немесе шығарылуына айтарлықтай әсер етуі мүмкін, мысалы, бауыр қызметінің бұзылуы (Чайлд-Пью жіктемесі бойынша А немесе В класы) немесе бүйрек аурулары бар пациенттерге сақтықпен тағайындау керек. Бауыр қызметі бұзылған пациенттерге суматриптанды 50 мг дозамен беру керек.
Анамнезде эпилепсиямен ауруы бар науқастарда немесе құрысу шегін төмендететін басқа қауіп факторлары болған кезде суматриптанды сақтықпен қолдану керек, өйткені оны қабылдаған кезде құрысу ұстамаларының дамитыны туралы мәліметтер бар.
Анамнезде сульфаниламидтерге сезімталдығы жоғары пациенттерде суматриптанды қабылдағаннан кейін аллергиялық реакция пайда болуы мүмкін. Реакциялар терінің жоғары сезімталдығынан анафилаксияға дейін өршуі мүмкін. Айқас сезімталдық туралы ғылыми деректер шектеулі, бірақ бұл пациенттерге суматриптан тағайындағанда абай болу керек.
Триптандар мен құрамында шілтер жапырақты шайқурай (Hypericum perforatum) бар өсімдік препараттарын бірге қолданғанда жағымсыз әсерлердің ықтималдығы артады.
Бас ауруы кезінде кез-келген анальгетикті ұзақ уақыт қолдану олардың белгілерін айқындай түсуі мүмкін. Мұндай жағдайда немесе оған күдік туындағанда, медициналық көмекке жүгініп, емдеуді тоқтату керек. Ұстаманы басатын құралдарды шамадан тыс қолданумен байланысты бас ауруы (абузустық бас ауруы) қолданылғанына қарамастан немесе соның салдарынан пайда болатын жиі немесе күнделікті бас ауруы осы дәрі-дәрмектерді үнемі қолданатын науқастарда байқалады.
Дәрілік затты келесі препараттармен бірге қолданбаған жөн:
Егер осы дәрі-дәрмектерді бір мезгілде қолдану қажет болатын болса, пациент дәрігердің бақылауында болуы керек.
Қосалқы заттар
50 мг және 100 мг таблеткаларда лактоза моногидраты бар, сондықтан сирек тұқым қуалайтын галактозаға төзбеушілік, Лаппа типті лактаза тапшылығы немесе глюкоза-галактоза мальабсорбция синдромы бар пациенттер Сумамигренді қолданбағаны жөн.
50 мг таблеткаларда аллергиялық реакциялар тудыруы мүмкін қызыл түсті кошениль лак бар.
Жүктілік және лактация
Жүктілік кезінде суматриптанды қолдануға болмайды.
Тері астына енгізгеннен кейін суматриптан емшек сүтіне өтіп кетті. Сәбиге әсерін азайту үшін препаратты қабылдағаннан кейін 12 сағат ішінде емізбей тұра тұрған жөн, осы уақыт ішінде бөлінетін емшек сүтін сауып тастау керек.
Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері
Сумамигренмен емдеу кезінде ұйқышылдық пайда болуы мүмкін, сондықтан пациентке көлік құралдарын басқару мен механизмдерге қызмет көрсетуге қатысты қауіптілігі туралы ескерту қажет.
Дозалану режимі
Сумамигрен бас сақинасын шұғыл кезеңмен емдеуге арналған. Оны профилактикалық мақсатта қолдануға болмайды. Сумамигрен препаратының ұсынылған дозасын асырмау керек.
Сумамигрен препаратын бас ауруы басталғаннан кейін мүмкіндігінше ертерек қабылдау керек, бірақ ол ұстаманың кез-келген кезеңінде бірдей тиімді.
Ауыз арқылы қолдануға арналған Сумамигрен препаратының ұсынылатын дозасы — 50 мг 1 таблетка. Кейбір пациенттерге 100 мг қажет болуы мүмкін.
Егер пациент бірінші дозаны қабылдағаннан кейін жақсарғанын сезсе, бірақ содан кейін симптомдар қайта басталса, дозалар арасында кемінде 2 сағат өткеннен кейін екінші дозаны қабылдауға болады. 24 сағат ішінде 300 мг-нан артық қабылдауға болмайды.
Егер Сумамигрен препаратының ұсынылған дозасын қабылдағаннан кейін жағдайы жақсармаса, пациент ұстаманы тоқтату үшін екінші дозаны қабылдамауы керек. Бұл жағдайларда ұстаманы басу үшін парацетамол, ацетилсалицил қышқылы немесе стероидты емес қабынуға қарсы препараттарды қолдануға болады. Алайда Сумамигренді содан кейінгі ұстамаларды тоқтату үшін қолдануға болады.
Сумамигрен бас сақинасы ұстамасын тоқтату үшін монотерапия ретінде ұсынылады, оны эрготамин немесе оның туындыларымен (соның ішінде метисергидн) бірге тағайындауға болмайды.
Пациенттердің ерекше топтары
Балалар мен жасөспірімдер
Сумамигрен препаратының 10 жасқа дейінгі балаларды емдеудегі қауіпсіздігі мен тиімділігі анықталмаған. Осы жас тобында препаратты қолдану туралы клиникалық деректер жоқ.
Осы жас тобындағы клиникалық зерттеулерде Сумамигрен препаратының 10-17 жас аралығындағы балаларды емдеудегі қауіпсіздігі мен тиімділігі анықталмаған. Сондықтан препаратты 10-17 жас аралығындағы балаларға қолданбаған жөн.
65 жастан асқан егде пациенттер
65 жастан асқан пациенттерде Сумамигрен препаратын пайдалану тәжірибесі шектеулі. Осы жас тобындағы препараттың фармакокинетикасы жас адамдардағы фармакокинетикаға ұқсас, бірақ қосымша клиникалық деректер пайда болғанға дейін 65 жастан асқан пациенттерге Сумамигрен препаратын тағайындамаған жөн.
Ішке қабылдауға арналған. Таблеткаларды тұтастай жұтып, сумен ішу керек. .
Симптомдары: жанама әсерлердің ауырлық дәрежесінің айқындалуы. Артық дозаланғанда препаратпен емдеуді тоқтату керек.
Емдеу: симптомдарына қарай.
Препараттың кезекті дозасын өткізіп алған кезде оны мүмкіндігінше тезірек қабылдау керек. Егер кезекті дозаны қабылдауға аз уақыт қалса, оны жоспарланған уақытта қабылдау керек. Өткізіп алған дозаның орнына екі еселік дозаны бірден қабылдауға болмайды.
Дәрілік затты қолданбас бұрын дәрігерден кеңес алыңыз.
Жиі (≥1/10)
Өте сирек (<1/10 000)
Жиілігі белгісіз
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
Дәрілік препарат құрамы
Бір таблетканың құрамы:
белсенді зат — суматриптан сукцинаты 70 мг және 140 мг (50 мг және 100 мг суматриптанға тең)
қосалқы заттар: лактоза моногидраты, микрокристалды целлюлоза, натрий кроскармеллозасы, магний стеараты, тальк, сусыз коллоидты кремний диоксиді;
қабық: гипромелоза, макрогол 6000, тальк, титан диоксиді (Е171), триэтил цитраты, қызыл кошениль бояғыш (Е124) (50 мг доза үшін).
Сыртқы түрінің, иісінің, дәмінің сипаттамасы
Сопақ пішінді, екі жағы да дөңес, ашық қызғылт қабықпен қапталған, бір жағында екіге бөліп тұратын сызығы бар таблеткалар (50 мг доза үшін).
Сопақ пішінді, екі жағы да дөңес, ақшыл түсті қабықпен қапталған таблеткалар (100 мг доза үшін).
2 немесе 6 таблеткадан ОПА алюминий фольга және ПВХ алюминий фольгадан жасалған контурлық ұяшықты қаптамаға салынады.
Медициналық қолдану жөніндегі мемлекеттік және орыс тілдеріндегі нұсқаулықпен бірге 1 контурлық қаптамадан (2 немесе 6 таблеткадан тұратын) таблеткадан картон қорапқа салынады.
5 жыл
Жарамдылық мерзімі өткенде қолдануға болмайды.
Температурасы 25°С-тан аспайтын, жарықтан қорғалған құрғақ жерде сақтау қажет.
Балалардың қолы жетпейтін жерде сақтау керек!
Рецептісіз
«Польфарма» АҚ фармацевтикалық зауыты
Пельплиньска көшесі, 19, 83-200 Старогард Гданьски, Польша
Телефон нөмірі: +48 58 5631600
Факс нөмірі: +48 58 5622353
Электрондық пошта мекенжайы: phv@polpharma.com
«Химфарм» АҚ, Қазақстан Республикасы, Шымкент қаласы, Рашидов көшесі, 81
Телефон нөмірі: +7 7252 (610151)
Жауап беретін құрал нөмірі: +7 7252 (561342)
Электрондық пошта мекенжайы: infomed@santo.kz
«Химфарм» АҚ, Қазақстан Республикасы, Шымкент қаласы, Рашидов көшесі, 81
Телефон нөмірі: +7 7252 (610151)
Жауап беретін құрал нөмірі: +7 7252 (561342)
Электрондық пошта мекенжайы: complaints@santo.kz; phv@santo.kz
